Djemtë e ardhur nga besimi

Në këtë episod të dytë kam ftuar dy prej të rinjve të Kamzës që janë pjesë e VKR, Veprimtaria Katolike e të Rinjve, një grupim vullnetarësh të kishës katolike Shën Gjon Pali II. Për këtë grupim të rinjsh, vullnetarizmi është një shprehje e dashurisë dhe solidaritetit. Të rinjtë e kishës katolike ashtu siç kanë ndërtuar një komunitet dhe mundësinë për të ndarë dhe përjetuar besimin, po aq kanë kontribuar në jetën e njerëzve në nevojë, duke u bërë shokë dhe ndihmës. Kjo përvojë humane dhe frymëzuese mbi një botë më të mirë i ka bërë ata më të ndjeshëm, më të përgjegjshëm dhe më të angazhuar. Për më shumë dëgjoni bisedën me Altinin dhe Emanuelin.

Teatër/Teatralitet n’Kamëz

Programacioni i thuajse Radio mëton të përfshijë zëra që reflektojnë përvoja të jetuara të njerëzve të Kamzës apo qyteteve të tjera të cilët na flasin për përditshmërinë e jetës, por edhe për parehatitë e tyre. Inspiruar nga formatet e radiove komunitare dhe radiove të lira, si dhe duke i zënë besë potencialit politik për transformime sociale e kulturore të radios, duam të zhvillojmë metoda minimale e modeste të të punuarit me zërin dhe të përdorim këtë formë të përafërt të radios si mjet për të marrë pjesë në publiken dhe për të tejçuar diçka matanë vetes. Një nga këto përpjekje është krijimi zanor me titull “Gjuha shkon aty ku dhemb”. Këtu do të tentojmë të flasim në përgjithësi për shumëçka, por sado gjatë e rrethrrotull që do t’i biem, gjithmonë biseda do të na çojë aty ku na dhemb, aty ku e kemi me merak. Do të ketë raste kur gjuha do të shkojë edhe aty ku lezeton. Ne do t’i bëjmë vend të dyjave, e prapë do të dalim aty ku na dhemb. Klodjan Gjonpalaj, aktivist dhe artist nga qyteti i Kamzës, do të jetë zëri pritës i takimeve tona.

Thertorja 5

Një orvatje për të përshkruar qytetin e shkatërruar nga lufta. A kemi kujtesë për vdekjen? Ky lexim sjell vetëm kapitullin e parë të librit “Thertorja 5” e Kurt Vonnegut, sjellë…

Poezi për Palestinën

Lufta në Ukrainë duket se do zgjasë duke iu bashkuar kështu të tjera ndërhyrjeve të dhunshme që e pezullojnë paqen në botë dhe e kthejnë dhunën në normalitet. Më 12…

Letra e Constantine Olmezovit

Në Moskë, Konstantin Olmezovi ndihet i pafuqishëm dhe i zhgënjyer nga bota. Ukrainas me prejardhje nga Donesku, prej 4 vitesh studionte matematikë në Rusi. Thellësisht i dashuruar me kulturën ukrainase…