Aksione në Shëngjin dhe homazhe në Gjadër për Hamid Badoui, emigranti që u vetëvra në kamp

Një grup aktivistësh për të drejtat e emigrantëve zhvilluan të shtunën një aksion homazh pranë kampit të emigrantëve në Gjadër, në nderim të Hamid Badoui, një i ri nga Maroku, i cili disa ditë më parë kreu vetëvrasje në një kamp në Torino të Italisë. Hamid kishte kaluar rreth pesë javë në Shqipëri, në kampin e Gjadrit, ku ishte transferuar si pjesë e marrëveshjes për menaxhimin e azilkërkuesve midis qeverive shqiptare dhe italiane...

0 Komente

Tokat e fshatarëve të Rrjollit, fushë për lojën e oligarkisë

Bija e Rrjollit, Marë Papleka, krah bashkëfshatarëve të saj të vajzërisë mori pjesë dje në protestën e thirrur përballë Prokurorisë Speciale Anti-Korrupsion, ku u dorëzuan prova të reja për padinë që ata kanë ngritur ndaj disa prej punonjësve të administratës dhe gjyqësorit në Shkodër. Këta zyrtarë përmes veprimeve e vendimeve të tyre, bazuar në falsifikime sipas banorëve të Rrjollit, i kanë kaluar pronësinë e tokave një personi, Fatmir Shpellza, drejtues politik në Partinë e Lirisë. Ky i fundit cilësohet nga banorët si bashkëpunëtor i Bashkim Ulaj, pronar i kompanisë “Gener 2” dhe gjithashtu i “Alba Blue Borgo” sh.p.k e cila ka marrë statusin e “Investitorit Strategjik” nga Këshilli i Ministrave ditën e parafundit të vitit 2024 me projektin e ndërtimit të një resorti turistik në zonën e Baks-Rrjoll në Shkodër...

0 Komente

Miqësia nuk është neokolonializëm

“Keni besim, qendrat në Shqipëri do të funksionojnë! Do të funksionojnë! Unë do t’i qëndroj atyre mbi kokë çdo natë nga tani deri në fund të qeverisë italiane.” - klithte dje në një tubim Georgia Meloni. Komunikimi i saj verbal dhe trupor, teksa mbante fjalimin, u shoqërua nga mbështetje solide në sallë, teksa ngjalli reagime të shumta në rrjet me komente që përcillnin ndjesinë e frikës që u evokonte fashizmi i saj, tashmë krejt i dukshëm “mbi lëkurë”. Meloni dhe marrëveshja e saj me Ramën është një “bombë me sahat” tregonin para dy javësh grupet e majta italiane që erdhën në Shqipëri për të protestuar për të drejtat e emigrantëve. Dështimi i deri më tanishëm i marrëveshjes protokoll firmosur nga kryeministrat Rama e Meloni konsiderohej prej tyre një hap krejt i vogël, kur krahasohet me politikat e viteve të fundit të Italisë por edhe Bashkimit Europian lidhur me trajtimin ligjor të emigrantëve që lundrojnë nëpër brigjet e Mesdheut për të arritur “perëndimin demokratik”...

0 Komente
Read more about the article Italia dërgon grupin e dytë të emigrantëve, grupi i monitorimit gjen shkelje në qendrat pritëse në Shëngjin e Gjadër
Emigrantët azilkërkues në Itali zbresin nga anija Libra, Nëntor 2024, Porti i Shëngjinit, Tanja Lander

Italia dërgon grupin e dytë të emigrantëve, grupi i monitorimit gjen shkelje në qendrat pritëse në Shëngjin e Gjadër

Anija ushtarake Libra vijoi me operacionin e dytë në kuadër të marrëveshjes Rama-Meloni ku një grup prej tetë emigrantësh, pesë me origjinë nga Bangladeshi dhe tre me origjinë nga Egjipti u transferuan mëngjesin e tetë nëntorit në Shëngjin. Prej grupit fillestar prej 200 personash “të shpëtuar” nga Libra në ujërat ndërkombëtare pranë Lampeduzës, vetëm tetë prej tyre u përzgjodhën si të përshtatshëm për transferim drejt Shqipërisë pas kontrollit fillestar mbi vulnerabilitetin...

0 Komente

Çfarë dimë për qendrat italiane për emigrantët në Shqipëri?

Gati një vit pasi kryeministrja italiane Giorgia Meloni dhe kryeministri Rama nënshkruan marrëveshjen për qendrat e paraburgimit për emigrantët, punimet për ndërtimin e qendrave janë ende larg përfundimit. Kjo marrëveshje, me një afat pesë vjeçar me të drejtë rinovimi, u miratua nga Senati italian më 15 shkurt, me 93 vota pro dhe 63 kundër. Më 29 janar, ky protokoll u konsiderua i ligjshëm nga Gjykata Kushtetuese shqiptare. Marrëveshja legjitimoi dhënien nga Shqipëria të dy zonave shtetërore për ngritjen e katër objekteve nën juridiksionin italian në zonën portuale të Shëngjinit dhe në ish-zonën ushtarake të Gjadrit...

0 Komente