{"id":29678,"date":"2025-10-21T13:37:27","date_gmt":"2025-10-21T11:37:27","guid":{"rendered":"https:\/\/nyje.al\/?p=29678"},"modified":"2025-10-22T15:17:52","modified_gmt":"2025-10-22T13:17:52","slug":"seka-hydropower-padit-per-fyerje-dhe-shpifje-aktivistet-e-zall-gjocaj","status":"publish","type":"post","link":"https:\/\/nyje.al\/sq\/seka-hydropower-padit-per-fyerje-dhe-shpifje-aktivistet-e-zall-gjocaj\/","title":{"rendered":"Seka Hydropower padit p\u00ebr fyerje dhe shpifje aktivist\u00ebt e Zall Gjo\u00e7aj"},"content":{"rendered":"

nyje.al | 21.10.2025\u00a0<\/strong><\/span><\/p>\n

Aktivist\u00ebt e Zall Gjo\u00e7ajt, Adem Xhokola dhe Dhimit\u00ebr Koleci,\u00a0bashk\u00eb me protestuesin dhe p\u00ebrkrah\u00ebsin e kauzave mjedisore Jorgji Locaj\u00a0jan\u00eb v\u00ebn\u00eb s\u00eb fundmi n\u00eb dijeni nga Gjykata e Shkall\u00ebs s\u00eb Par\u00eb Lezh\u00eb se jan\u00eb paditur nga kompania \u2018Seka Hydropower\u2019\u00a0p\u00ebr kryerjen e veprave penale t\u00eb fyerjes dhe shpifjes t\u00eb kryera bot\u00ebrisht.<\/span><\/p>\n

Kompania, duke iu referuar deklaratave t\u00eb aktivist\u00ebve n\u00eb mediat komb\u00ebtare dhe rrjetet sociale, pretendon se ata kan\u00eb kryer k\u00ebto vepra penale lidhur me ligjshm\u00ebrin\u00eb e kontrat\u00ebs koncesionare, respektimin e kuadrit ligjor mjedisor, t\u00eb drejtave t\u00eb komunitetit, statusit t\u00eb zon\u00ebs s\u00eb mbrojtur, etj.. ndon\u00ebse t\u00eb gjitha k\u00ebto \u00e7\u00ebshtje jan\u00eb aktualisht objekt gjykimi n\u00eb Gjykat\u00ebn Administrative t\u00eb Apelit Tiran\u00eb. Krahas proceseve n\u00eb Tiran\u00eb, nj\u00eb proces tjet\u00ebr q\u00eb po gjykohet \u00ebsht\u00eb n\u00eb gjykat\u00ebn e shkall\u00ebs s\u00eb par\u00eb, Lezh\u00eb dhe kontestimet e banor\u00ebve jan\u00eb t\u00eb mb\u00ebshtetura n\u00eb dokumente zyrtare, akte ekspertimi, vendime gjykatash\u00a0dhe denoncime t\u00eb vazhdueshme t\u00eb banor\u00ebve.<\/span><\/p>\n

N\u00eb pozicionin e \u2018viktim\u00ebs akuzuese\u2019, Seka Hydropower pretendon se banor\u00ebt e paditur, gjat\u00eb protest\u00ebs s\u00eb organizuar n\u00eb Lufaj t\u00eb Mirdit\u00ebs n\u00eb korrik t\u00eb k\u00ebtij viti, jan\u00eb l\u00ebshuar akuza q\u00eb ia c\u00ebnojn\u00eb figur\u00ebn e saj si subjekt tregtar. K\u00ebrc\u00ebnimi penal, shoq\u00ebrohet me k\u00ebrc\u00ebnim financiar p\u00ebr banor\u00ebt duke pretenduar d\u00ebnim me gjob\u00eb p\u00ebr aktivist\u00ebt nga 50 mij\u00eb deri n\u00eb 3 milion\u00eb lek\u00eb.<\/span><\/p>\n

E gjendur ngusht\u00eb p\u00ebrball\u00eb rezistenc\u00ebs k\u00ebmbngul\u00ebse t\u00eb banor\u00ebve t\u00eb Zall Gjo\u00e7ajt – t\u00eb cil\u00ebt vijojn\u00eb p\u00ebrpjekjet e tyre p\u00ebr drejt\u00ebsi pran\u00eb gjykatave – kompania Seka Hydropower, pasi ka ezauruar t\u00eb gjitha mjetet p\u00ebr heshtimin e komunitetit, po p\u00ebrpiqet tani t\u2019i ngarkoj\u00eb aktivist\u00ebt edhe me p\u00ebrgjegj\u00ebsi penale dhe barr\u00eb financiare me q\u00ebllim kriminalizimin e tyre.<\/span><\/p>\n

Nj\u00eb nga proceset gjyq\u00ebsore<\/a> me padit\u00ebs komunitetin e Zall Gjo\u00e7ajt n\u00eb Gjykat\u00ebn Administrative t\u00eb Apelit ka rihapur gjat\u00eb k\u00ebtij viti edhe nj\u00ebher\u00eb diskutimet mbi ligjshm\u00ebrin\u00eb e procedurave t\u00eb nd\u00ebrtimit t\u00eb hec-it n\u00eb zon\u00ebn e mbrojtur t\u00eb Zall Gjo\u00e7aj. Kjo i ka shkaktuar parehati dhe angazhim t\u00eb shtuar kompanis\u00eb Seka Hydropower, e cila \u00ebsht\u00eb detyruar t\u00eb jap\u00eb (edhe nj\u00ebher\u00eb) llogari p\u00ebr \u00e7do dokument, leje a nd\u00ebrhyrje.<\/span><\/p>\n

Banor\u00ebt prej vitesh e n\u00eb m\u00ebnyr\u00eb t\u00eb parreshtur jan\u00eb angazhuar n\u00eb zon\u00eb me protesta<\/a> dhe vizita studimore<\/a>, me kryerjen e akteve<\/a> t\u00eb inspektimeve bashk\u00eb me biolog\u00eb e studiues t\u00eb rinj t\u00eb natyr\u00ebs, me investigime e dokumentime<\/a> t\u00eb d\u00ebmeve n\u00eb lum\u00eb e park, jan\u00eb nd\u00ebrlidh\u00eb me grupime e rrjete t\u00eb tjera aktivist\u00ebsh mjedisore, kan\u00eb protestuar dhe q\u00ebndruar n\u00eb solidaritet me banor\u00eb t\u00eb fshatrave t\u00eb Kurdaris\u00eb<\/a>, Lufajt<\/a>, Ka\u00e7inarit, Thirr\u00ebs<\/a>, Vjos\u00ebs<\/a> e Shushic\u00ebs t\u00eb cil\u00ebt ngjash\u00ebm po p\u00ebrballen me marrjen e burimeve ujore.<\/span><\/p>\n

Si kund\u00ebrp\u00ebrgjigje, kompania private Seka Hydropower nuk ka q\u00ebndruar pasive n\u00eb gjith\u00eb k\u00ebt\u00eb periudh\u00eb. Si\u00e7 kan\u00eb d\u00ebshmuar banor\u00ebt, por edhe artikuj<\/a> gazetaresk e shkencor\u00eb<\/a>, kjo kompani ka p\u00ebrdorur metoda e taktika t\u00eb ndryshme p\u00ebr t\u00eb frik\u00ebsuar, intimiduar, heshtuar dhe kriminalizuar banor\u00ebt. Nga joshjet me vendet e pun\u00ebs, te k\u00ebrc\u00ebnimet dhe shantazhet, te manipulimet e proceseve vendimmarr\u00ebse lokale si heqja e kryepleqve<\/a> aktivist\u00eb t\u00eb Zall Gjo\u00e7aj, te propagandimi me video-reportazhe t\u00eb sponsorizuara n\u00eb platforma online dhe televizione<\/a>, deri te padia penale p\u00ebr aktivist\u00ebt m\u00eb t\u00eb z\u00ebsh\u00ebm t\u00eb Zall Gjo\u00e7ajt.<\/span><\/p>\n

Padi t\u00eb tilla, t\u00eb quajtura shpesh (eco)SLAPP (Padi strategjike kund\u00ebr pjes\u00ebmarrjes publike) zakonisht kan\u00eb p\u00ebr q\u00ebllim jo fitoren e procesit gjyq\u00ebsor n\u00eb vetvete, sesa n\u00eb heshtim dhe c\u00ebnim t\u00eb liris\u00eb s\u00eb fjal\u00ebs, si dhe shkaktim t\u00eb pasojave t\u00eb tjera q\u00eb ndikojn\u00eb drejtp\u00ebrdrejt\u00eb tek personat e p\u00ebrfshir\u00eb dhe n\u00eb m\u00ebnyr\u00eb indirekte t\u00eb rrethi m\u00eb i gj\u00ebr\u00eb i protestuesve. Kjo padi p\u00ebrb\u00ebn nj\u00eb precedent t\u00eb rreziksh\u00ebm p\u00ebr aktivist\u00ebt dhe shoq\u00ebrin\u00eb civile: kush k\u00ebrkon t\u00eb mbroj\u00eb t\u00eb drejt\u00ebn p\u00ebr mjedis, transparenc\u00eb dhe pjes\u00ebmarrje publike, mund t\u00eb k\u00ebrc\u00ebnohet p\u00ebrmes procedurave penale.\u00a0<\/span><\/p>\n

P\u00ebrpos p\u00ebrpjekjes p\u00ebr intimidim, frik\u00ebsim dhe kriminalizim, k\u00ebto lloj padish luajn\u00eb shum\u00eb edhe me disbalancat ekonomike t\u00eb pal\u00ebve t\u00eb p\u00ebrfshira, dhe r\u00ebndojn\u00eb edhe m\u00eb shum\u00eb situat\u00ebn e pasigurt\u00eb financiare n\u00eb t\u00eb cil\u00ebn gjenden aktivist\u00ebt. P\u00ebr banor\u00eb t\u00eb Zall Gjo\u00e7aj si Adem Gjokola, 73 vite jet\u00eb t\u00eb jetuara n\u00eb fshatin Gjo\u00e7aj, shkakton shum\u00eb v\u00ebshtir\u00ebsi ekonomike, fizike dhe emocionale p\u00ebr t\u2019u marr\u00eb me nj\u00eb proces t\u00eb filluar nga nj\u00eb kompani private me kapitale t\u00eb m\u00ebdhaja ekonomike.<\/span><\/p>\n