{"id":29368,"date":"2025-08-11T23:30:08","date_gmt":"2025-08-11T21:30:08","guid":{"rendered":"https:\/\/nyje.al\/?p=29368"},"modified":"2025-08-11T23:30:08","modified_gmt":"2025-08-11T21:30:08","slug":"gazetaret-ne-proteste-mikrofonin-nuk-na-e-fikni-dot","status":"publish","type":"post","link":"https:\/\/nyje.al\/sq\/gazetaret-ne-proteste-mikrofonin-nuk-na-e-fikni-dot\/","title":{"rendered":"Gazetar\u00ebt n\u00eb protest\u00eb: \u201cMikrofonin nuk na e fikni dot\u201d"},"content":{"rendered":"

Erinda Isufaj | 11.08.2025 | nyje.al\u00a0<\/strong><\/span><\/p>\n

Tashm\u00eb jan\u00eb b\u00ebr\u00eb tre dit\u00eb q\u00eb nj\u00eb nd\u00ebr mediumet m\u00eb t\u00eb m\u00ebdhaja informuese n\u00eb vend \u00ebsht\u00eb i fikur. Prej tre dit\u00ebsh qindra gazetar\u00eb, redaktor\u00eb dhe teknik\u00eb t\u00eb Fokus Media Group nuk kan\u00eb kaluar pragun e redaksive t\u00eb tyre. P\u00ebrpara\u00a0godinave\u00a0ku ndodhen News24, Panorama, Gazeta Shqiptare dhe BalkanWeb, sot u organizua nj\u00eb protest\u00eb \u00a0jo vet\u00ebm p\u00ebr rikthimin e sinjalit televiziv t\u00eb k\u00ebsaj media por edhe p\u00ebr t\u00eb mbrojtur lirin\u00eb e mediave n\u00eb p\u00ebrgjith\u00ebsi dhe lirin\u00eb e shprehjes.<\/span><\/p>\n

Gazetar\u00eb dhe qytetar\u00eb u mblodh\u00ebn pas thirrjes q\u00eb \u00a0b\u00ebri Asociacioni i Gazetar\u00ebve t\u00eb Shqip\u00ebris\u00eb (AGSH), duke k\u00ebrkuar rikthimin e transmetimit dhe fundin e bllokad\u00ebs policore. \u201cMos lejoni q\u00eb t\u00eb kthehemi n\u00eb nj\u00eb vend ku lajmet mbyllen me zinxhir,\u201d u shpreh\u00ebn p\u00ebrfaq\u00ebsuesit e AGSH-s\u00eb n\u00eb nj\u00eb nga fjalimet e protest\u00ebs. Gjat\u00eb dit\u00ebs s\u00eb sotme n\u00eb protest\u00ebn e thirrur nga AGSH p\u00ebrpara godin\u00ebs s\u00eb Focus Media Group t\u00eb pranish\u00ebm ishin jo vet\u00ebm gazetar\u00eb t\u00eb News24, por edhe p\u00ebrfaq\u00ebsues t\u00eb mediave t\u00eb tjera, aktivist\u00eb dhe qytetar\u00eb q\u00eb erdh\u00ebn p\u00ebr t\u00eb mb\u00ebshtetur kauz\u00ebn.<\/span><\/p>\n

Fjal\u00ebt q\u00eb u d\u00ebgjuan n\u00eb shesh ishin t\u00eb forta dhe direkte: \u201cMos heshtni, sepse nes\u00ebr mund t\u00eb jet\u00eb z\u00ebri juaj q\u00eb do t\u00eb fiket\u201d; \u201cLiria e medias nuk \u00ebsht\u00eb \u00e7\u00ebshtje e nj\u00eb televizioni, por e t\u00eb gjith\u00eb shoq\u00ebris\u00eb.\u201d P\u00ebrfaq\u00ebsues t\u00eb AGSH-s\u00eb i b\u00ebn\u00eb thirrje qeveris\u00eb dhe institucioneve t\u00eb pavarura t\u00eb veprojn\u00eb menj\u00ebher\u00eb. Ata paralajm\u00ebruan se protesta do t\u00eb vazhdoj\u00eb dhe do t\u00eb marr\u00eb forma t\u00eb tjera deri n\u00eb rikthimin e sinjalit dhe funksionimit normal t\u00eb redaksive.<\/span><\/p>\n

Nj\u00eb reagim tjet\u00ebr erdhi dhe nga Ina Zhupa, kryetare e Komisionit t\u00eb Medias dhe deputete e PD, e cila e quajti k\u00ebt\u00eb \u201cnj\u00eb dit\u00eb t\u00eb trisht\u00eb p\u00ebr mediat\u201d dhe premtoi se do ta ngrej\u00eb \u00e7\u00ebshtjen n\u00eb AMA dhe n\u00eb Kuvend. P\u00ebr gazetar\u00ebt e pranish\u00ebm n\u00eb protest\u00eb, kjo nuk \u00ebsht\u00eb nj\u00eb betej\u00eb q\u00eb p\u00ebrfundon sot. Ata e shohin si fillimin e nj\u00eb l\u00ebvizjeje p\u00ebr t\u00eb mbrojtur standardet e medias dhe p\u00ebr t\u00eb garantuar q\u00eb, pavar\u00ebsisht konflikteve t\u00eb biznesit apo interesave politike, e drejta p\u00ebr t\u00eb informuar nuk do t\u00eb shkelet m\u00eb.<\/span><\/p>\n