{"id":23407,"date":"2024-07-04T13:09:15","date_gmt":"2024-07-04T11:09:15","guid":{"rendered":"https:\/\/nyje.al\/?p=23407"},"modified":"2024-07-04T17:01:15","modified_gmt":"2024-07-04T15:01:15","slug":"perballe-ministrise-se-shendetesise-qytetaret-drejtesi-per-ne-qe-jemi-ketu-dhe-paqe-per-ata-qe-nuk-jane-me","status":"publish","type":"post","link":"https:\/\/nyje.al\/sq\/perballe-ministrise-se-shendetesise-qytetaret-drejtesi-per-ne-qe-jemi-ketu-dhe-paqe-per-ata-qe-nuk-jane-me\/","title":{"rendered":"P\u00ebrball\u00eb Ministris\u00eb s\u00eb Sh\u00ebndet\u00ebsis\u00eb, qytetar\u00ebt: Drejt\u00ebsi p\u00ebr ne q\u00eb jemi k\u00ebtu dhe paqe p\u00ebr ata q\u00eb nuk jan\u00eb m\u00eb"},"content":{"rendered":"\t\t
\n\t\t\t\t
\n\t\t\t\t\t
\n\t\t\t\t
\n\t\t\t\t
\n\t\t\t\t\t\t\t\t\t

04.07.2024 | nyje.al<\/span><\/strong><\/span><\/p>

Ndon\u00ebse arrestimi i Ilir Beqaj vjen pas hetimeve nga SPAK mbi abuzimet me fondet e Bashkimit Europian dhe jo lidhur me drejtimin e Ministris\u00eb s\u00eb Sh\u00ebndet\u00ebsis\u00eb, qytetar\u00eb dhe aktivist\u00eb t\u00eb shumt\u00eb u shpreh\u00ebn m\u00ebngjesin e sot\u00ebm n\u00eb rrjete sociale se kjo mas\u00eb ndalimi vjen edhe prej presionit qytetar t\u00eb ngjizur nga skandali n\u00eb pavionin e Onkologjikut n\u00eb QSUT. Ilir Beqaj mbetet n\u00ebn hetim nga SPAKu p\u00ebr akuza lidhur me kontratat koncesionare dhe gjithashtu n\u00eb Kuvend \u00ebsht\u00eb subjekt i diskutimeve n\u00eb dy komisione hetimore. Si ish-minist\u00ebr i sh\u00ebndet\u00ebsis\u00eb, sipas protestues\u00ebve Beqaj \u00ebsht\u00eb nj\u00eb nd\u00ebr personat q\u00eb ka ndikuar drejtp\u00ebrdrejt\u00eb n\u00eb shkat\u00ebrrimin e sistemit sh\u00ebndet\u00ebsor.<\/span><\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t\t\t\t\t\t\t\t\t\"\"\t\t\t\t\t\t\t\t\t\t\t\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

Pas protest\u00ebs s\u00eb par\u00eb fill pas ngjarjes, qindra qytetar\u00eb u ribashkuan n\u00eb nj\u00eb tjet\u00ebr protest\u00eb n\u00eb fillim jave, ku u rip\u00ebrs\u00ebrit\u00ebn k\u00ebrkesat p\u00ebr p\u00ebrgjegj\u00ebsi institucionale dhe penale p\u00ebr profesionist\u00ebt e p\u00ebrfshir\u00eb. N\u00eb vizit\u00ebn e tij n\u00eb QSUT, kryeministri Edi Rama nd\u00ebr t\u00eb tjera deklaroi se p\u00ebrgjegj\u00ebsia e mjek\u00ebve\u00a0 \u00ebsht\u00eb individuale dhe se kjo ngjarje nuk e pengon qeverin\u00eb p\u00ebr ta b\u00ebr\u00eb sistemin sh\u00ebndet\u00ebsor nj\u00eb sistem funksional sh\u00ebrbimesh. T\u00eb tilla deklarata kryeministrore dhe q\u00ebndrime institucionale kan\u00eb ngjallur gjer\u00ebsisht indinjat\u00eb te protestuesit t\u00eb cil\u00ebt k\u00ebrkuan mbajtjen e p\u00ebrgjegj\u00ebsis\u00eb nga kryeministri dhe nga e gjith\u00eb hallka drejtuese e sistemit sh\u00ebndet\u00ebsor.\u00a0<\/span><\/p>

N\u00eb hapjen e protest\u00ebs, aktivisti i Q\u00ebndres\u00ebs Qytetare, Migen Qiraxhi u shpreh se protestat duhet t\u00eb vazhdojn\u00eb p\u00ebr aq koh\u00eb sa nuk merren masat e nevojshme dhe kushtet vazhdojn\u00eb t\u00eb jen\u00eb t\u00eb nj\u00ebjta. Ai akuzon qeverin\u00eb p\u00ebr injorim total t\u00eb gjendjes s\u00eb spitaleve duke renditur disa nga t\u00eb dh\u00ebnat e KLSH-s\u00eb.<\/span><\/p>

\u201cArsyeja pse ne jemi rimbledhur \u00ebsht\u00eb sepse refuzojm\u00eb t\u00eb heshtim kur njer\u00ebzit vdesin si pasoj\u00eb e munges\u00ebs s\u00eb ila\u00e7eve, kur dinjiteti shkelet dhe p\u00ebrdhoset n\u00eb dyert e k\u00ebtyre institucioneve. Nga kryeministri yn\u00eb nuk u p\u00ebrmend fakti q\u00eb n\u00eb Onkologjik ka 19 poltrona p\u00ebr 80 pacient\u00eb, 1 shtrat p\u00ebr 4 pacient\u00eb sipas KLSH. N\u00eb 2020-2022, 600 gra me kancer nuk u trajtuan sepse nuk punonte nj\u00eb paijsje, 200 pacient\u00eb t\u00eb tjer\u00eb nuk u trajtuan sepse nuk punonte nj\u00eb pajisje tjet\u00ebr. Ministria e Sh\u00ebndet\u00ebsis\u00eb e cila refuzon sot t\u00eb mbaj\u00eb p\u00ebrgjegj\u00ebsi, ka 3 vite q\u00eb nuk ka b\u00ebr\u00eb kontrollin rutin\u00eb n\u00eb k\u00ebto institucione.\u201d<\/span><\/i><\/span><\/p><\/blockquote>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t\t\t\t\t\t\t\t\t\"\"\t\t\t\t\t\t\t\t\t\t\t\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

N\u00eb fund ai rik\u00ebrkoi dor\u00ebheqjen e Ministres s\u00eb Sh\u00ebndet\u00ebsis\u00eb, paijsjen e\u00a0 spitaleve me mjekimet e nevojshme, dhe klasifikimin si vrasje me dashje t\u00eb munges\u00ebs s\u00eb ila\u00e7eve apo p\u00ebrgjysmimit t\u00eb doz\u00ebs s\u00eb mjekimit.\u00a0<\/span><\/p>

Gazetari Osman Stafa, i dalluar p\u00ebr hulumtimet e tij gazetareske p\u00ebr \u00e7\u00ebshtjet q\u00eb lidhen me problematikat e sh\u00ebndet\u00ebsis\u00eb foli p\u00ebr gjendjen e pacient\u00ebve me s\u00ebmundje terminale, t\u00eb cil\u00ebt n\u00eb gjendje t\u00eb r\u00ebnduar prej munges\u00ebs s\u00eb mjekimeve, vendosen n\u00eb kushte \u00e7njer\u00ebzore dhe p\u00ebr\u00e7muese.\u00a0<\/span><\/p>

\u201cAktualisht m\u00eb shum\u00eb se gjysma e medikamenteve t\u00eb atyre njer\u00ebzve q\u00eb luftojn\u00eb me jet\u00ebn, nuk jan\u00eb t\u00eb rimbursueshme. Nj\u00eb person q\u00eb vuan nga melanoma, i duhet t\u00eb uroj\u00eb q\u00eb t\u00eb jet\u00eb melanom\u00eb pozitive, sepse n\u00ebse \u00ebsht\u00eb negative ila\u00e7et nuk jan\u00eb t\u00eb rimbursueshme. Sfidoj k\u00ebdo p\u00ebr t\u00eb shkuar n\u00eb QSUT, dhe n\u00ebse jodi radioaktiv \u00ebsht\u00eb, n\u00ebse gemcitabina \u00ebsht\u00eb, ne t\u00ebrhiqemi e nuk protestojm\u00eb m\u00eb.\u201d<\/span><\/i><\/span><\/p><\/blockquote>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t\t\t\t\t\t\t\t\t\"\"\t\t\t\t\t\t\t\t\t\t\t\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

Disa or\u00eb para protest\u00ebs, nj\u00eb grup t\u00eb rinj\u00ebsh aktivist\u00eb, tentuan t\u2019i afroheshin kryeministrit Rama pas mbylljes s\u00eb takimit t\u00eb tij n\u00eb QSUT p\u00ebr t\u2019i dh\u00ebn\u00eb nj\u00eb nga pankartat e protest\u00ebs s\u00eb dit\u00ebs s\u00eb h\u00ebn\u00eb si thirrje e hak\u00ebrrim p\u00ebr deklaratat e tij dhe p\u00ebr t\u2019i ritheksuar p\u00ebrgjegj\u00ebsin\u00eb q\u00eb ka p\u00ebr sistemin e korruptuar sh\u00ebndet\u00ebsor. Ata vendos\u00ebn me z\u00eb t\u00eb lart\u00eb fjalimin e kryeministrit n\u00eb 2013 ku premtonte sh\u00ebndet\u00ebsi falas dhe e quajt\u00ebn kryeministrin \u201cmaskara q\u00eb k\u00ebrkon t\u00eb largoj\u00eb p\u00ebrgjegj\u00ebsite nga vetja\u201d. Menj\u00ebher\u00eb pas k\u00ebsaj kat\u00ebr t\u00eb rinjt\u00eb, Sidorela Vatnikaj, Edison Lika, <\/span>Igli Llapaj dhe Erli Lama<\/span>\u00a0 jan\u00eb shoq\u00ebruar n\u00eb komisariat p\u00ebr disa or\u00eb, pa t\u00eb drejt\u00eb komunikimi me avokatin e tyre Gentian Serjani. Nj\u00eb nga aktivistet e arrestuara, Sidorela Vatnikaj, tha n\u00eb protest\u00eb se arrestimi i tyre ishte i padrejt\u00eb\u00a0 dhe se ngjarja e ndodhur \u00ebsht\u00eb si pasoj\u00eb e sistemit t\u00eb korruptuar q\u00eb ka z\u00ebn\u00eb vend p\u00ebrgjat\u00eb qeverisjes s\u00eb kryeministrit Rama. Ajo ka b\u00ebr\u00eb thirrje p\u00ebr t\u00eb vazhduar protestat si m\u00ebnyr\u00eb p\u00ebr t\u00eb ruajtur dinjitetin ton\u00eb.<\/span><\/span><\/p>

\u201cS\u00eb bashku me 3 shok\u00ebt e mi jemi arrestuar sot vet\u00ebm sepse i kemi k\u00ebrkuar kryeminstrit q\u00eb t\u00eb mbaj\u00eb p\u00ebrgjegj\u00ebsi p\u00ebr skandalin e ndodhur n\u00eb spitalin Onkologjik. Ajo q\u00eb ka ndodhur n\u00eb spitalin Onkologjik nuk \u00ebsht\u00eb nj\u00eb ngjarje rast\u00ebsore, por nj\u00eb sistem korruptimi q\u00eb kjo qeveri e ka instaluar n\u00eb vend p\u00ebrgjat\u00eb 3 mandateve n\u00eb pushtet. Thirrja ime sot \u00ebsht\u00eb ta vazhdojm\u00eb k\u00ebt\u00eb protest\u00eb, t\u00eb jemi m\u00eb t\u00eb z\u00ebsh\u00ebm, m\u00eb t\u00eb shumt\u00eb, n\u00eb m\u00ebnyr\u00eb q\u00eb t\u00eb mos vdesim me dinjitet, por t\u00eb jetojm\u00eb me dinjitet.\u201d<\/span><\/i><\/span><\/p><\/blockquote>

Nador Bakalli nga grupimi Diaspora P\u00ebr Shqip\u00ebrin\u00eb e Lir\u00eb e konsideroi t\u00eb falimentuar sistemin sh\u00ebndet\u00ebsor n\u00eb Shqip\u00ebri dhe shtroi dy alternativa si zgjidhje t\u00eb vetme: revolt\u00eb ose largim.<\/span><\/p>

\u201cSistemi yn\u00eb sh\u00ebndet\u00ebsor \u00ebsht\u00eb falimentar, \u00ebsht\u00eb i rr\u00ebnuar sado q\u00eb e zbukurojn\u00eb me ngjyra dhe fasada. Aty brenda \u00ebsht\u00eb nj\u00eb ferr p\u00ebr t\u00eb gjith\u00eb ata q\u00eb shkojn\u00eb aty. Dy rrug\u00eb na mbeten, ose t\u00eb ngrihemi dhe t\u00eb mos lejojm\u00eb t\u00eb b\u00ebhet e keqja kala, ose t\u00eb ikim q\u00eb k\u00ebtu.\u201d<\/span><\/i><\/span><\/p><\/blockquote>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t\t\t\t\t\t\t\t\t\"\"\t\t\t\t\t\t\t\t\t\t\t\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

I pranish\u00ebm n\u00eb protest\u00eb ishte edhe aktori Florian Binaj, shum\u00eb aktiv nd\u00ebr t\u00eb tjera n\u00eb protesta <\/span>qytetare t\u00eb lidhura me problemet sociale apo ekonomike n\u00eb vendin ton\u00eb. Ai ka propozuar ashp\u00ebrsim t\u00eb protesave me shpres\u00ebn q\u00eb mund t\u00eb jen\u00eb m\u00eb efektive se protestat paq\u00ebsore si dhe ka k\u00ebrkuar reagim nga vet\u00eb mjek\u00ebt.<\/span><\/p>

\u201cM\u00eb vjen keq q\u00eb me protestat paq\u00ebsore nuk po arrijm\u00eb asgj\u00eb, ndoshta do na duhet t\u00eb ndryshojm\u00eb m\u00ebnyr\u00ebn si protestojm\u00eb. Edha sa duhet t\u00eb vdesin q\u00eb t\u00eb filloj\u00eb p\u00ebrgjegjshm\u00ebria e k\u00ebtyre t\u00eb pap\u00ebrgjegjshm\u00ebve? [\u2026]\u00a0 Ju b\u00ebj thirrje atyre pak profesionist\u00ebve q\u00eb jan\u00eb t\u00eb pap\u00ebrlyer t\u00eb marrin guximin dhe t\u00eb ngren\u00eb z\u00ebrin.\u201d<\/span><\/i><\/span><\/p><\/blockquote>

Nj\u00eb tjet\u00ebr aktiviste e shoq\u00ebrise civile, Suela Ko\u00e7ibellinj ka theksuar deklarat\u00ebn p\u00ebr p\u00ebrgjegj\u00ebsi individuale ku i drejtohet kryeministrit dhe ministres duke iu th\u00ebn\u00eb se p\u00ebrgjegj\u00ebsia m\u00eb e madhe \u00ebsht\u00eb e tyre dhe se na detyrohen t\u00eb na japin t\u00eb gjitha sh\u00ebrbimet e duhura spitalore.<\/span><\/p>

\u201cZoti Kryeminist\u00ebr dhe zonja Ministre e Sh\u00ebndet\u00ebsis\u00eb, p\u00ebrgjegj\u00ebsia \u00ebsht\u00eb vet\u00ebm e juaja! Mos dilni duke th\u00ebn\u00eb q\u00eb p\u00ebrgjegj\u00ebsia \u00ebsht\u00eb individuale. Mjekun nuk e kam sjell\u00eb un\u00eb n\u00eb pun\u00eb aty, por e keni pun\u00ebsuar ju. Si taksapagues t\u00eb k\u00ebtij vendi dhe si njer\u00ebz q\u00eb ende po sakrifikojm\u00eb p\u00ebr t\u00eb jetuar n\u00eb k\u00ebt\u00eb vend, na detyroheni t\u00eb na mbroni jet\u00ebn dhe jo t\u00eb na e merrni\u201d<\/span><\/i><\/span><\/p><\/blockquote>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t\t\t\t\t\t\t\t\t\"\"\t\t\t\t\t\t\t\t\t\t\t\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

\u201cJam k\u00ebtu sot q\u00eb f\u00ebmij\u00ebt e mi t\u00eb mos detyrohen t\u00eb shkojn\u00eb n\u00eb dyert e bankave p\u00ebr t\u00eb marr\u00eb kredi p\u00ebr shpenzimet t\u00eb cilat duhet t\u00eb paguhen nga shteti. K\u00ebrkoj drejt\u00ebsi p\u00ebr ne q\u00eb jemi k\u00ebtu dhe paqe p\u00ebr ata q\u00eb nuk jan\u00eb m\u00eb.\u201d – ka th\u00ebn\u00eb nj\u00eb qytetare pasi ka bashk\u00ebndar\u00eb p\u00ebrvoj\u00ebn e saj.<\/span><\/i><\/span><\/p><\/blockquote>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t\t\t\t\t\t\t\t\t\"\"\t\t\t\t\t\t\t\t\t\t\t\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

Aktivisti i angazhuar kryesisht n\u00eb problematikat\u00a0 e arsimit t\u00eb lart\u00eb dhe protestat studentore, Emiljando Kita, tha se mjek\u00ebt jan\u00eb vet\u00ebm nj\u00eb pjes\u00eb e vog\u00ebl e korrupsionit n\u00eb vend. Ai ve\u00e7on politikan\u00ebt si t\u00eb korruptuarit m\u00eb t\u00eb m\u00ebdhenj dhe k\u00ebrkoi hartimin e nj\u00eb ligji q\u00eb do i detyronte ata ose t\u00eb af\u00ebrmit e tyre t\u00eb kuroheshin n\u00eb spitalin publik.\u00a0<\/span><\/p>

\u201cMjek\u00ebt jan\u00eb t\u00eb korruptuarit e vegj\u00ebl, t\u00eb korruptuarit e v\u00ebrtet\u00eb gjenden n\u00eb parlament dhe kur ata ose t\u00eb af\u00ebrmit e tyre s\u00ebmuren i d\u00ebrgojn\u00eb p\u00ebr kurim jasht\u00eb shtetit, nd\u00ebrkoh\u00eb q\u00eb f\u00ebmij\u00ebt dhe prind\u00ebrit e atyre q\u00eb iu japin t\u00eb ardhura minimalisht 5 milion lek\u00eb n\u00eb muaj, vdesin n\u00ebp\u00ebr spitalet shtet\u00ebrore. I k\u00ebrkojm\u00eb institucioneve t\u00eb drejt\u00ebsis\u00eb t\u00eb filloj\u00eb sa m\u00eb par\u00eb nj\u00eb hetim t\u00eb mir\u00ebfillt\u00eb p\u00ebr \u00e7do spital n\u00eb Shqip\u00ebri. Do k\u00ebrkoja t\u00eb b\u00ebhej nj\u00eb ligj, q\u00eb \u00e7do politikan n\u00eb rast s\u00ebmundje, ta ket\u00eb detyrim t\u00eb kurohet n\u00eb spitale publike.\u201d<\/span><\/i><\/p><\/blockquote>

Avokati Gentian Serjani ka k\u00ebrkuar p\u00ebrdit\u00ebsim t\u00eb protokolleve klinike t\u00eb cilat sipas tij, nuk jan\u00eb ndryshuar q\u00eb nga viti 2014, si dhe ka k\u00ebrkuar hetim t\u00eb procedurave t\u00eb tenderimit t\u00eb kryer n\u00eb QSUT.<\/span><\/p>

\u201cP\u00ebrve\u00e7 polic\u00ebve q\u00eb shoq\u00ebronin kryeminsitrin sot, pash\u00eb dhe nj\u00eb ambulanc\u00eb. A mendoni se mund t\u00eb ket\u00eb munges\u00eb medikamentesh te ajo ambulanc\u00eb ashtu si\u00e7 ka n\u00eb QSUT? P\u00ebr mua jan\u00eb dy gjetje t\u00eb cilat kan\u00eb nevoj\u00eb p\u00ebr v\u00ebmendje, p\u00ebrdit\u00ebsimi i protokolleve klinike t\u00eb trajtimit t\u00eb kancerit t\u00eb cilat nuk kan\u00eb ndryshuar q\u00eb nga viti 2014 dhe hetimi i pro\u00e7edurave t\u00eb tenderimit t\u00eb kryer n\u00eb QSUT.\u201d<\/span><\/i><\/p><\/blockquote>

\u00a0<\/p>

\u201cK\u00ebrkojm\u00eb drejt\u00ebsi, drejt\u00ebsi p\u00ebr pacient\u00ebt t\u00eb cil\u00ebve iu mohua kujdesi jetik, edhe u shfryt\u00ebzuan n\u00eb m\u00ebnyr\u00eb mizore nga ata q\u00eb u betuan t’i ndihmonin. Mjaft me shfryt\u00ebzimin e t\u00eb s\u00ebmur\u00ebve dhe t\u00eb dobt\u00ebve, mjaft me korrupsionin q\u00eb na vjedh dinjitetin, mjaft\u00a0 me nj\u00eb sistem q\u00eb lejon t\u00eb ndodhin padrejt\u00ebsi t\u00eb tilla.\u201d \u2013 tha nj\u00eb studente e drejt\u00ebsis\u00eb.<\/span><\/i><\/p><\/blockquote>

Nd\u00ebrkoh\u00eb q\u00eb mbaheshin fjalime, nj\u00eb i ri \u00ebsht\u00eb afruar n\u00eb rrug\u00ebn p\u00ebrpara ministris\u00eb duke shkruar mbi t\u00eb \u201cvend krimi\u201d.<\/span><\/p>

Jam nj\u00eb i ri, gjimnazist dhe mendoj q\u00eb ka ardhur momenti q\u00eb k\u00ebtyre hienave t’iu themi “boll” sepse jet\u00ebn ton\u00eb e kemi n\u00eb dor\u00eb ne dhe jo drejtor\u00ebt, ministrat apo kryeministri.\u201d – tha ai n\u00eb fjal\u00ebn e tij.<\/span><\/p><\/blockquote>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t\t\t\t\t\t\t\t\t\"\"\t\t\t\t\t\t\t\t\t\t\t\t\t\t\t<\/div>\n\t\t\t\t<\/div>\n\t\t\t\t
\n\t\t\t\t
\n\t\t\t\t\t\t\t\t\t

\u201cKur shkoja n\u00eb spital p\u00ebr t\u00eb marr\u00eb kur\u00ebn p\u00ebr babain m\u00eb thonin q\u00eb nuk ka medikamente dhe se duhet t’i drejtohem farmacis\u00eb. Aty m\u00eb nxirrnin ila\u00e7et q\u00eb nuk duhet t\u00eb ishin n\u00eb farmaci, por n\u00eb spital.\u201d – rr\u00ebfeu nj\u00eb qytetare<\/span><\/i><\/span><\/p><\/blockquote>

\u201cN\u00ebse ne i jemi hak\u00ebrryer deri tani ministres Albana Ko\u00e7iu, ka dhe nj\u00eb em\u00ebr i cili \u00ebsht\u00eb akoma m\u00eb p\u00ebrgjegj\u00ebs se ajo, Ogerta Manastirliu e cila n\u00eb gjith\u00eb k\u00ebto vite nuk ka marr\u00eb asnj\u00eb mas\u00eb kund\u00ebr k\u00ebsaj vrasjeje me paramendim. Ne nuk mund t\u00eb heshtim. T\u00eb k\u00ebrkojm\u00eb t\u00eb drejt\u00ebn ton\u00eb para se t\u00eb na vrasin t\u00eb gjith\u00ebve.\u201d \u2013 tha nj\u00eb qytetare e cila foli protest\u00ebn e kaluar p\u00ebr kalvarin e vuajtjeve q\u00eb n\u00ebna e saj kishte kaluar n\u00eb QSUT.<\/span><\/i><\/span><\/p><\/blockquote>

\u201cNuk duhet t’i ndalojm\u00eb k\u00ebto protesta. Nuk mund t’i\u00a0 l\u00ebm\u00eb vet\u00ebm k\u00ebta njer\u00ebz. Jan\u00eb protesta p\u00ebr dinjitetin ton\u00eb, p\u00ebr kujdesin sh\u00ebndet\u00ebsor.\u201d – tha n\u00eb fjal\u00ebn mbyll\u00ebse gazetari Stafa.<\/span><\/i><\/span><\/p><\/blockquote>

Pas hedhjes s\u00eb shiringave n\u00eb drejtim t\u00eb Ministris\u00eb s\u00eb Sh\u00ebndet\u00ebsis\u00eb n\u00eb protest\u00ebn e kaluar, k\u00ebt\u00eb her\u00eb protestuesit zgjodh\u00ebn t\u00eb hedhin boj\u00eb t\u00eb kuqe, si simbol i jet\u00ebve t\u00eb humbura nga keqmjekimi n\u00eb spitalin Onkologjik.\u00a0<\/span><\/p>\t\t\t\t\t\t\t\t<\/div>\n\t\t\t\t<\/div>\n\t\t\t\t

\n\t\t\t\t
\n\t\t\t\t\t\t\t
\n\t\t\t